Kylie Jenner dhe Timothée Chalamet kanë ndezur sërish rrjetin pasi raportet pretendojnë se vendosën të mos shfaqeshin bashkë në Met Gala për shkak të një supersticioni që prej vitesh qarkullon mes fansave.
Bëhet fjalë për të ashtuquajturin “mallkimi i Met Gala”, një teori virale në internet që pretendon se shumë çifte të famshme që marrin pjesë së bashku në event përfundojnë duke u ndarë më vonë. Edhe pse nuk ekzistojnë prova konkrete për këtë “mallkim”, teoria vazhdon të rikthehet çdo vit në rrjetet sociale.
Sipas raportimeve, Kylie nuk ka dashur të rrezikojë duke dalë në tapetin e kuq me Chalamet në edicionin e vitit 2026, sidomos pas eksperiencës së saj në vitet e kaluara me ish-partnerin Travis Scott, me të cilin mori pjesë në Met Gala përpara ndarjes së tyre.
Këtë vit, Jenner u shfaq e vetme me një veshje luksoze firmato, ndërsa Chalamet preferoi ta kalonte mbrëmjen në një ndeshje basketbolli në New York. Daljet e ndara të çiftit ndezën menjëherë spekulime dhe diskutime të shumta online.
Çifti është në një lidhje që prej vitit 2023 dhe, megjithëse janë parë shpesh bashkë në evente të ndryshme, duket se vazhdojnë të mbajnë disa momente publike larg njëri-tjetrit.
Deri tani, as Kylie Jenner dhe as Timothée Chalamet nuk kanë reaguar ndaj zërave për “mallkimin”, por teoria është kthyer sërish në një nga temat më të komentuara mes fansave në internet.
