Gjithnjë e më shumë studime dhe ekspertë të sjelljes njerëzore po vërtetojnë se një detyrë e thjeshtë që kryhet në mëngjes, në dhomën e gjumit, mund të jetë shenjë e disiplinës që çon drejt suksesit. Fjala është për ndërtimin e një rutine të shëndetshme dhe vetëdisipline, themeli i çdo arritjeje të qëndrueshme. Ky zakon kërkon vetëm një çast dhe zgjat rreth 30 sekonda. Bëhet fjalë për një veprim të thjeshtë; rregullimin e shtratit në mëngjes.
Sipas Dr. Randal Bell, specialist i sociologjisë ekonomike: “Njerëzit që kryejnë rregullisht detyra të vogla si rregullimi i shtratit, organizimi i hapësirës apo planifikimi i ditës, kanë më shumë gjasa të arrijnë stabilitet profesional dhe financiar.” Në analizat e tij, personat e organizuar kishin mbi dy herë më shumë gjasa të arrinin status të lartë financiar krahasuar me ata që nuk ndjekin rutina të tilla. Sipas Bell, nuk bëhet fjalë për “magji”, por për forcën e vazhdimësisë në gjërat e vogla që me kalimin e kohës kthehen në zakone të mëdha.
Një studim ka zbuluar se personat që rregullojnë shtratin çdo ditë kanë më shumë gjasa të bëhen milionerë, krahasuar me ata që nuk e bëjnë këtë zakon. Ky veprim i thjeshtë lidhet shpesh me disiplinën, rutinën dhe qëndrueshmërinë, cilësi që zakonisht shoqërohen me suksesin afatgjatë. Studiuesit theksojnë se rregullimi i shtratit nuk krijon drejtpërdrejt pasuri, por pasqyron modele sjelljeje të lidhura me produktivitetin dhe vendosjen e objektivave.
Zakonet e vogla të përditshme ndihmojnë në krijimin e strukturës dhe ritmit gjatë gjithë ditës. Psikologët financiarë argumentojnë se rutinat e disiplinuara grumbullohen me kalimin e kohës, duke ndikuar në mënyrën e marrjes së vendimeve, menaxhimin e kohës dhe etikën e punës. Sjellje të thjeshta mund të shërbejnë si tregues të zakoneve më të gjera të jetesës, të lidhura me rezultatet financiare.
