Homazhet për Udhëheqësin Suprem të ndjerë iranian, Ali Khamenei, kanë nisur në Najaf, ku mijëra besimtarë dhe vajtues janë mbledhur për t’i dhënë lamtumirën.
Trupi i Khameneit mbërriti një ditë më parë në qytetin irakian, i konsideruar si një nga vendet më të shenjta për myslimanët shiitë në mbarë botën. Në ceremoni morën pjesë edhe Masoud Pezeshkian, ministri i Jashtëm iranian Abbas Araghchi, si dhe zyrtarë të tjerë të lartë iranianë.
Lutjet mortore do të zhvillohen në Imam Ali Shrine, faltorja ku prehet Ali ibn Abi Talib, kushëri dhe dhëndër i Profetit Muhamed, një nga vendet më të rëndësishme të pelegrinazhit për besimtarët shiitë.
Ceremonia pritet të drejtohet nga dijetari i njohur i Seminarit të Naxhafit, Muhammad Taqi al-Hakim, ndërsa homazhet pritet të vijojnë edhe në ditët në vazhdim me pjesëmarrjen e delegacioneve fetare dhe zyrtare nga vende të ndryshme.
