Justin Bieber po shijon një qëndrim luksoz në resortin prestigjioz “Gleneagles” në Skoci, ku ka provuar edhe fushën e njohur të golfit.
Këngëtari kanadez u pa duke mbërritur në aeroportin e Dundee të enjten pasdite, i shoqëruar nga një grup miqsh. Edhe pse nuk ishte i regjistruar për Kampionatin Alfred Dunhill Links, Bieber nuk hezitoi të ndajë me fansat momente nga eksperienca e tij.
Ai publikoi fotografi nga ambientet elegante të hotelit dhe nga raundet e golfit në shi, ku shfaqej me stilin e tij karakteristik – i veshur me xhaketa shiu, syze dielli dhe gjithmonë në humor të mirë.
Fansat, përveçse të entuziazmuar për paraqitjen e tij, nuk i shpëtuan vëmendjes as mjekrës së dendur të këngëtarit, e cila shkaktoi reagime të ndryshme dhe komente me humor në rrjetet sociale.
Pushimet e Bieber-it në Skoci vijnë pas martesës së bujshme të ish-të dashurës së tij, Selena Gomez, me producentin Benny Blanco, ngjarje që u shoqërua me shumë vëmendje mediatike.
Megjithatë, duket se Justin është i fokusuar te vetja dhe aktivitetet që e relaksojnë. Ai po kombinon sportin me pushimin në një atmosferë të qetë, duke treguar se për momentin prioritetet e tij janë argëtimi dhe koha me miqtë.
