Post Malone duket se është në një lidhje të re pas thashethemeve për ndarjen e tij nga e fejuara dhe nëna e fëmijës së tij.
Këngëtari 29-vjeçar thuhet se u nda nga partnerja e tij në fund të vitit 2024, siç raporton TMZ.
Ai ka filluar të takohet me Christy Lee, një studente e Shkollës së Dizajnit në New York City, që nga fillimi i këtij viti.
Në muajin janar, ata u fotografuan së bashku gjatë një darke në hotelin Mascagni në Romë dhe më pas u panë duke kaluar kohë në një bar në Idaho.
Këto dalje publike kanë befasuar fansat, pasi Post Malone ka qenë shumë i rezervuar për jetën e tij private dhe nuk ka zbuluar shumë detaje për ish të fejuarën e tij.
Artisti e mbajti të fshehtë identitetin e partneres së tij të mëparshme, megjithatë, këngëtari kishte shpallur se ata ishin në pritje të fëmijës së tyre të parë në vitin 2022.
