Prince William ka dhënë një rrëfim të rrallë për marrëdhënien me tre fëmijët e tij, duke zbuluar se në familjen mbretërore ai i inkurajon ata të flasin hapur për emocionet dhe problemet e tyre.
Princi i Uellsit, 43 vjeç, foli për stilin e tij të prindërimit gjatë një diskutimi për shëndetin mendor në programin “Life Hacks” në BBC Radio 1, ku theksoi se komunikimi i sinqertë me fëmijët është një prioritet për të.
Ai tregoi se përpiqet të bisedojë hapur me tre fëmijët e tij, Prince George, Princess Charlotte dhe Prince Louis duke i dëgjuar me kujdes kur ata ndajnë shqetësimet e tyre.
Dëgjoj çdo detaj dhe kjo më pëlqen shumë. Ndonjëherë ndjen se duhet t’i zgjidhësh problemet e të gjithëve, por duhet t’i kujtoj vetes se jo gjithçka ka nevojë për zgjidhje, është e rëndësishme të dëgjosh dhe të pranosh ndjenjat e tyre
-u shpreh ai.
Sipas tij, dëgjimi dhe mirëkuptimi i emocioneve të fëmijëve i ndihmon ata të ndihen të sigurt dhe të kuptuar, ndërsa krijon një ambient familjar ku ndjenjat mund të shprehen pa frikë.
Ndërkohë, psikologia e edukimit dhe fëmijëve Dr. Sasha Hall vlerësoi qasjen e princit, duke theksuar se inkurajimi i fëmijëve për të shprehur ndjenjat forcon zhvillimin e tyre emocional dhe i ndihmon të kuptojnë më mirë botën e tyre të brendshme.
Ekspertja theksoi se prindërit shpesh kanë prirjen natyrale të zgjidhin problemet e fëmijëve, por dëgjimi aktiv dhe mbështetja emocionale ndihmojnë në zhvillimin e vetëbesimit dhe qëndrueshmërisë së tyre.
Prince William dhe bashkëshortja e tij, Catherine, Princess of Wales, kanë tre fëmijë dhe synojnë të krijojnë një ambient familjar ku emocionet diskutohen hapur, duke synuar të thyejnë tabu të vjetra dhe të forcojnë lidhjen me brezin e ri.
