Mbretëresha Sofia nuk po kalon momentet më të mira të jetës së saj. Së fundmi nëna e Mbretit Felipe u emocionua gjatë një ngjarjeje publike. Shfaqja e emocioneve të Mbretëreshës Sofia erdhi vetëm disa ditë përpara ceremonisë së betimit të 18-vjetorit të mbesës së saj Princeshës Leonor në Kongres. Sofia, nëna mbretëreshë e Spanjës dhe motra e ish-mbretit të Greqisë, Kostandinit, nuk ishte e ftuar në ceremoninë historike në Cortes Generals dhe kjo i ka kushtuar shtrenjtë.
Arsyeja që ajo nuk mori pjesë ishte se Juan Carlos nuk ishte i ftuar në eventet për ditëlindjen e Leonorit, pasi Pallati nuk donte që kjo ditë të lidhej me të dhe skandalet e tij. Kështu, u vendos që të mos i dërgohej ftesë as gruas së tij, Mbretëreshës Sofia.
Të dy morën pjesë në një drekë private pas ngjarjeve publike, por kjo nuk mjaftoi për Mbretëreshën Sofia. Ditën e djeshme, Mbretëresha kishte ditëlindjen e saj të 85-të vetëm dy ditë pas ditëlindjes së mbesës së saj. Nëna e Mbretit nuk organizoi një festë të madhe, por thjesht një festë të vogël familjare.
Në këtë ditë, Mbretëresha Sofia e festoi atë me një drekë intime dhe një tortë me çokollatë. Ajo shoqërohej nga disa nga nipërit e saj, por jo nga Princesha Leonor, e cila tashmë ishte kthyer në Akademinë e Përgjithshme Ushtarake të Zaragozës për të vazhduar studimet e vitit të dytë.
Rikujtojmë, se princesha Leonor, trashëgimtarja e fronit spanjoll, u betua për besnikëri ndaj Kushtetutës së Spanjës në ditëlindjen e saj të 18-të në një ceremoni solemne të mbajtur në Parlamentin e vendit. Ajo u shoqërua nga prindërit e saj, Mbreti Felipe dhe Mbretëresha Letizia, gjithashtu dhe motra e saj më e vogël, Infanta Sofia. Mbretëresha e ardhshme u shfaq e veshur thjeshtë.
