Një balerinë siriane u vendos në pozicionin e hapjes së këmbëve dhe u balancua mbi dy makina ATV duke thyer një Rekord Botëror Guinness. Yara Khdair, 26 vjeçe, theu rekordin për distancën më të gjatë të përshkuar duke bërë split mbi dy ATV në lëvizje, një rekord që kërkonte që ajo të mos prekte asgjë me duar, ndërsa secila nga këmbët e saj ishte e balancuar mbi një automjet të ndryshëm.
New record: Longest distance covered whilst performing a split on two moving quad bikes – 470 metres and was achieved by Yara Khdair (Syria), Mohamed Alblooshi (UAE) and Abdulla Alhattawi (UAE) in Dubai, UAE pic.twitter.com/SA5YJBL3Lb
— Guinness World Records (@GWR) March 4, 2025
Përpjekja në Emiratet e Bashkuara Arabe përfshiu gjithashtu drejtuesit e ATV-ve, Mohamed Alblooshi dhe Abdulla Alhattawi. “Në fakt, nuk njiheshim më parë, por u takuam për të vendosur këtë rekord dhe ata ishin partnerë të shkëlqyer”-tha Khdair për Guinness World Records. “Sigurisht, besimi ishte i rëndësishëm dhe isha e sigurt që mund ta arrinim me sukses këtë numër”-shtoi ajo. ATV-të duhej të ruanin një shpejtësi prej të paktën 3.1 mph gjatë gjithë përpjekjes. Khdair e theu me sukses rekordin me një distancë prej rreth 470 metrash.
