Këngëtarja me origjinë shqiptare, Rita Ora, ka tërhequr vëmendjen me një paraqitje magjepsëse gjatë një performance surprizë në Londër, pranë stacionit King’s Cross, të mërkurën.
Ajo u shfaq në skenë së bashku me aktorin e famshëm Will Smith, duke ndezur atmosferën mes fansave të shumtë të pranishëm.
34-vjeçarja u shfaq me një veshje provokuese bardh e zi – një xhaketë të shkurtër dhe pantallona të shkurtra të së njëjtës ngjyrë dhe dizajn, duke theksuar format e saj trupore.
Ajo e kompletoi pamjen me taka të larta, syze dielli dhe vëthë të mëdhenj argjendi, ndërsa pjesëmarrja në TikTok LIVE me DJ AG bëri që momenti të shpërndahej menjëherë në rrjet.
Në skenë iu bashkua edhe Will Smith, 56 vjeç, i cili u shfaq me një xhaketë të kuqe lëkure, duke i dhënë më shumë energji performancës me disa nga hitet e tij. Në turmë u vu re edhe bashkëshorti i Ritës, regjisori Taika Waititi, ndërsa pas performancës, Rita dhe Will u përqafuan mes duartrokitjeve dhe brohoritjeve të fansave.
Përveç kësaj surprize, Rita ka vazhduar të promovojë këngën e saj më të re, “Heat”, e publikuar të premten. Në një video të postuar në rrjete sociale, ajo u shfaq me bikini portokalli pranë pishinës, duke shfaqur fizikun e saj dhe duke shkruar:
Vera 2025 sapo u bë më e nxehtë
Videoja kishte për qëllim promovimin e këngës që, sipas Ritës, përfaqëson liri, gëzim dhe fuqinë për të qenë vetvetja.
Jam e fiksuar pas kësaj kënge. Është e guximshme, lozonjare dhe plot energji pozitive. Thjesht doja të argëtohesha me të.
Publikimi i “Heat” përkon me performancën e saj të ardhshme në festivalin “World Pride Music Festival”, që mbahet këtë fundjavë në Uashington, duke e bërë këtë një moment shumë të rëndësishëm për Ritën dhe fansat e saj.
Ndërkohë, Rita ka qenë pjesë e turneut “Tension” të Kylie Minogue si këngëtare mbështetëse. Ajo ka zbuluar se hiti i famshëm i Kylie-t nga viti 2023, “Padam Padam”, fillimisht ishte menduar për të.
Kënga “Heat” pritet të jetë pjesë e albumit të ri të Ritës, i cili është ende në përgatitje dhe nuk ka marrë ende një titull zyrtar.
