Ronela Hajati ka ngjallur reagime të shumta në rrjetet sociale pas publikimit të një fotografie të re, ku shfaqet në plazh në shoqërinë e një mashkulli të panjohur.
Në imazh, këngëtarja duket e buzëqeshur dhe e relaksuar, ndërsa identiteti i personit pranë saj mbetet një mister – në foto shfaqen vetëm flokët e tij, pa asnjë detaj tjetër që mund ta identifikojë.
Postimi nuk është shoqëruar me asnjë koment apo shpjegim nga ana e Ronelës, duke lënë hapësirë për spekulime dhe kuriozitet.
Ndjekësit kanë reaguar menjëherë në komente, duke sugjeruar se këngëtarja mund të jetë në një lidhje të re dhe e kanë përgëzuar për dashurinë e mundshme.
Edhe pse artistja nuk ka dhënë ende një reagim zyrtar, afërsia dhe atmosfera intime e fotos kanë shtuar dyshimet për një romancë të re në jetën e saj personale. Për momentin, fansave u mbetet të presin nëse Ronela do të zbulojë më shumë.
