Një skalp që mban erë të pakëndshme mund të jetë rezultat i disa faktorëve të zakonshëm, që lidhen me higjienën, shëndetin apo ambientin. Mungesa e larjes së rregullt është shkaktari kryesor. Kur flokët nuk pastrohen shpesh, grumbullohen yndyrë, djersë dhe produkte stilimi që krijojnë erë të keqe, sidomos te personat që djersijnë shumë ose kalojnë ndryshime hormonale (pubertet, menopauzë).
Nga ana tjetër, larja e tepërt mund të dëmtojë mikrobiomën e lëkurës së kokës, duke lejuar bakteret dhe kërpudhat e dëmshme të zhvillohen, gjë që shkakton erë, irritim dhe kruarje. Dieta gjithashtu ndikon, konsumimi i tepruar i ushqimeve me aromë të fortë, si hudhra apo qepa, ose një dietë shumë e pasur me produkte shtazore, mund të ndikojnë në erën e skalpit.
Faktorët mjedisorë si ndotja e ajrit mund të lënë grimca në flokë dhe kokë, duke kontribuar në aromën e keqe. Gjendje mjekësore si dermatiti seborrheik apo psoriaza e skalpit, të cilat lidhen me zbokthin, kruarjen dhe inflamacionin, mund të sjellin gjithashtu erë të pakëndshme.
Infeksionet, si ringworm (tinea capitis), një kërpudhatje ngjitëse e kokës, janë një tjetër shkaktar i zakonshëm, sidomos nëse flokët mbeten të lagur për një kohë të gjatë. Trajtimi i duhur dhe larja e ekuilibruar janë çelësi për një skalp të shëndetshëm dhe pa erë.
