Një person humbi jetën në Shkodër, dyshohet se nga shpërthimi i panelit të energjisë elektrike. Ngjarja tragjike ndodhi në hyrjen e një pallati në lagjen “Manush Alimani”.
Shkodër/Informacion paraprak
Rreth orës 10:10, në lagjen “Manush Alimani”, në hyrjen e një pallati, dyshohet se ka shpërthyer paneli i matësave të energjisë elektrike.
Si pasojë u dëmtua një shtetas ende i paidentifikuar, rreth 55 vjeç, i cili ka humbur jetën në Spitalin Rajonal Shkodër.
Grupi hetimor nën drejtimin e Prokurorisë po punon për dokumentimin e rrethanave, identifikimin e shtetasit që ka humbur jetën dhe për përcaktimin e shkakut të shpërthimit të matësave elektrikë.
Më pas, viktima u identifikua si shtetasi Hysni Ymeri, 69 vjeç.
