Princi William dhe Princi Harry zbuluan para disa ditësh statujën në nder të Princeshës Diana në ditëlindjen e saj të 60-të. Familja Mbretërore organizoi me këtë rast një ceremoni të vogël në Pallatin Kensington, që dikur ishte dhe rezidenca e Dianës.
Harry, i cili jeton në SHBA me gruan e tij, dukeshën e Sussex, Megan Markle, dhe dy fëmijët e tyre, mbërriti në Mbretërinë e Bashkuar javën që lamë pas në mënyrë që të përfundonte karantinën e tij përpara ngjarjes së të enjtes së kaluar.
Ndërkohë që të gjithë po shpresonin për një pajtim mes dy vëllezërve, pasi gjatë ceremonisë u duk se të gjitha mosmarrëveshjet ishin sheshuar, duket se gjërat nuk duken të jenë aq paqësore dhe të qeta mes tyre.
Mediat e huaja kanë raportuar së fundmi se dy princat mezi folën me njëri-tjetrin dhe kaluan vetëm 20 minuta në të njëjtën dhomë pas ceremonisë.
Mesa duket vëllezërit janë ende në luftë me njëri-tjetrin dhe burime pranë çiftit thanë për revistën “Mirror” se është pothuajse e pamundur që familja t’i besojë sërish Harry-t.
Rikujtojmë se gjatë një interviste të realizuar në mars me Oprah Winfrey, Harry dhe Meghan hodhën akuza të rënda ndaj Familjes Mbretërore. Sipas një burimi është thënë se:
Disa anëtarë të familjes nuk mund të besojnë atë që ai (Harry) ka bërë.
Thuhet se Princi William është më mosbesues për të punuar me vëllanë e tij të vogël.
William heziton t’i besojë Harry-t dhe se bisedat private mes tyre mund të qëndrojnë private.
