I ftuar në “Live From Tirana” me Ronaldo Sharkën, ka qenë David Dano, i cili së bashku me një tjetër të ri, u fut me forcë në mbledhjen e Këshillit Bashkiak të Vlorës në 29 shtator. I riu kërkonte dëmshpërblimin për banesën që i është prishur për ndërtimin e rrugës Transballkanike. Si e mori ai guximin për ta bërë këtë gjë dhe a kishte frikë se çfarë mund të ndodhte më pas? Për këto e shumë të tjera flet vetë Davidi…
Moderatori Ronaldo Sharka i bëri Davidit dhe një quiz, ‘Një vlonjat si ty’…
Ronaldo: Një vlonjat si ty, a dëgjon Aurela Gaçen çdo mëngjes?
David: Jo.
Ronaldo: Një vlonjat si ty, a i thotë të dashurës ‘të dua moj qëne’?
David: Jo.
Ronaldo: Si i thua ti?
David: ‘Moj qëne’ jo. ‘Të dua’ e themi shpesh.
Ronaldo: E thoni ju vlonjatët ‘të dua’, se kam dëgjuar që e keni kompleks ta thoni?
David: Në publik jo.
Ronaldo: Kam parë një video virale ku thoshte një djalë që do i propozonte të dashurës në gjunjë pa e parë të tjerët, kështu je dhe ti?
David: Për mendimin tim, varet nga dashuria. Nëse ka pasion aq të madh, nuk të intereson.
Ronaldo: Ti ke të dashur?
David: Po.
Ronaldo: Pse u mendove? Ke disa?
David: Jo, kam shoqëri. Kam të dashur, por nuk doja ta cekja këtë gjë.
Ronaldo: Një vlonjat si ty, a acarohet keq në trafik?
David: Po, shumë.
Ronaldo: Një vlonjat si ty, a i bie gjoksit me dorë për t’i rënë në sy një vajze?
David: Jo, kurrë.
Ronaldo: Si e bëni për vete një vajzë ju vlonjatët?
David: Thjesht nuk e lëmë, i shkojmë mbas. Jemi insistues.
Ronaldo: Një vlonjat si ty, a e ka gjoksin gropë?
David: Nuk e kam vënë re këtë.
Ronaldo: Një vlonjat si ty, turpërohet nëse nuk di not?
David: Normal, po.
Ronaldo: Një vlonjat si ty, ka histori me gomone në det për të treguar?
David: Normal, edhe këtë e kemi. Patjetër, jemi rritur mes detit.
Ronaldo: Një vlonjat si ty, sa krenar ndihet kur janë festat e 28-29 Nëntorit?
David: Jo shumë, sepse gjërat kanë ndryshuar. Kur kam qenë pak më i ri, e shijonim shumë këtë.
Ronaldo: Patriotizmi këto kohë të duket ‘fake’ apo i vërtetë?
David: Më duket ‘fake’. Ka humbur ai patriotizëm që ka qenë dikur. Po t’u jepet një mundësi më e mirë, çdo shqiptar, jo vetëm vlonjat, do ishte larguar. Deri këtu kemi arritur ne.
