Tom Brady ka zgjedhur qetësinë dhe pjekurinë përballë martesës së re të ish-bashkëshortes së tij, Gisele Bündchen, duke synuar të shmangë çdo dramë dhe të mbrojë mirëqenien e fëmijëve të tyre.
Sipas një burimi për Daily Mail, legjenda e NFL-së ishte në dijeni të martesës shumë përpara se ajo të bëhej publike. Lajmi nuk ishte surprizë për të, pasi Brady dhe Gisele vazhdojnë të komunikojnë rregullisht për çështje që lidhen me fëmijët.
Brady dhe Bündchen, të cilët i dhanë fund martesës së tyre 13-vjeçare në tetor të vitit 2022, kanë dy fëmijë së bashku, Benjamin dhe Vivian, ndërsa ish-sportisti ka edhe një djalë nga një lidhje e mëparshme.
Burime pranë Brady-t tregojnë se ai e ka pranuar situatën me qetësi dhe mirëkuptim, duke besuar se lumturia e ish-bashkëshortes reflektohet drejtpërdrejt te mirëqenia emocionale e fëmijëve.
Sa i përket jetës së tij sentimentale, Brady mbetet beqar dhe pa plane për një lidhje serioze.
Edhe pse emri i tij është lidhur herë pas here me figura të njohura si Sofia Vergara, Irina Shayk, Brooks Nader apo Kim Kardashian, ai duket i përqendruar te karriera e re si analist sportiv për Fox dhe po shijon lirinë e jetës si beqar.
