Adrola Dushi, modelja e njohur shqiptare e cila ka pasur një karrierë disavjeçare në ShBA ka qënë shumë e përfolur kohët e fundit, për shkak të aludimeve për një lidhje dashurie me këngëtarin e njohur, Capital T. Kjo nuk u pranua nga asnjëri prej tyre, por e ftuar në emisionin ‘Më lër të flas’ Adrola sërish vendosi të mos përgjigjej në mënyrë të drejtpërdrejt lidhur me jetën e saj private dhe të tregojë nëse është apo jo në një lidhje me Kapon, por deklaroi se ishte ne lidhje me veten dhe ishte shumë e lumtur.
Përpos jetës dashurore që gjithmonë sigurohet ta mbajë të fshehtë, Adrola padyshim është dhe një nga vajzat më të bukura të showbiz-it tonë. Bukuroshja njihet për natyralitetin e saj dhe për këtë pëlqehet shumë nga ndjekësit. Modelja nuk eksperimenton thuajse asnjëherë me ‘look-un’ e saj, por duket se së fundmi ka zgjedhur të na befasojë. Teksa ka postuar një video në llogarinë e saj vetëm para pak minutash, Adrola është shfaqur me një model shumë të veçantë flokësh, kaçurrela shumë të dendur.
Së fundmi Adrola na ka shtuar më shumë kureshtjen lidhur me jetën e saj private, për shkak të postimeve të fundit të saj në ‘Instastory’. Kohët e fundit modelja ka shpërndarë disa shprehje që na kanë ngritur dyshimet për një histori të re dashurie në jetën e saj, sidomos pas postimit të fundit.
