Me pesë gola të shënuar, Cristiano Ronaldo ka fituar çmimin “Këpuca e Artë”, si golashënuesi më i mirë në Kampionatin Evropian, ‘Euro 2020’. Superylli portugez shënoi në të gjitha ndeshjet e fazës grupore, megjithatë dështoi të realizonte ndaj Belgjikës në 1/8 e finales kur Portugalia u eliminua.
Përkundër eliminimit, askush nuk ia doli të shënonte më shumë gola se CR7 në turneun të cilin e fitoi Italia duke mposhtur Anglinë në finale. Patrik Schick i Republikës Çeke shënoi po aq gola sa Ronaldo, mirëpo mbeti prapa 36-vjeçarit, për faktin se ky i fundit dhuroi edhe një asistim, si dhe zhvilloi më pak minuta se sulmuesi i Bayer Leverkusenit.
Ndryshe, superylli i Juventusit u bë edhe golashënuesi më i mirë në histori të Kampionateve Evropiane me 14 gola të shënuar. Po ashtu, me 109 gola të realizuar për Portugalinë, ai e barazoi rekordin me legjendën iraniane, Ali Daei, si golashënuesit më të mirë me ekipet përfaqësuese.
Lista me pesë golashënuesit më të mirë të Euro 2020:
Pozita Lojtari Minutazhi Golat Asistimet
1. Cristiano Ronaldo (POR) 360 5 1
2 Patrik Schick (R.ÇEKE) 404 5 0
3. Karim Benzema (FRA) 349 4 0
4. Emil Forsberg (SUE) 371 4 0
5. Romelu Lukaku (BEL) 444 4 0
Cristiano Ronaldo ka kryesuar listën vjetore të personave të famshëm që paguhen më shumë për postime të sponsorizuara në “Instagram”. Futbollisti fiton deri në 1.6 milion dollarë (1.2 milion £) për të reklamuar një produkt në mediat e tij sociale.
Së fundmi, ylli i Juventusit, ka hapur një hotel në New York. Përmes rrjetit të tij social, Twitter, Cristiano ka ndarë lajmin me fansat dhe ka postuar foto nga ambientet e hotelit. Rikujtojmë, se super sfida Itali-Angli bëri bujë të madhe mediatike dhe kudo po flitet për fitoren spektakolare të Italisë. Tashmë nuk ka më “Football’s coming home” por “Football’s going to Rome”.
