Këngëtarja e njohur Demi Lovato së fundmi e ka shpallur veten si të papërcaktuar në gjini. Demi do t’i përdorë përemrat ai dhe ajo për veten e saj. Këtë lajm e ka dhënë vetë 28-vjeçarja përmes një video të publikuar në Instagram.
Çdo ditë që zgjohemi, na jepet një mundësi dhe shans tjetër të jemi ata që duam dhe dëshirojmë të jemi. Unë e kam kaluar pjesën më të madhe të jetës time duke u rritur para të gjithë juve…ju keni parë të mirën, të keqen dhe gjithçka në mes. Jo vetëm që jeta ime ka qenë një udhëtim për veten time, por edhe jetoja për ata që ishin në anën tjetër të kamerave. Sot është një ditë që jam shumë e lumtur të ndaj më shumë nga jeta ime me të gjithë ju. Jam krenare t’ju bëj të ditur se unë identifikohem si jo binar dhe zyrtarisht do të ndryshoj përemrat e mi.
Kjo ka ardhur pas shumë punimesh shëruese dhe vetë-reflektuese. Unë jam ende duke mësuar dhe po hyj në vetvete dhe nuk pretendoj të jem eksperte ose zëdhënëse. Ndarja e kësaj me ju tani hap një tjetër nivel të cenueshmërisë për mua. Po e bëj këtë për ata atje që nuk kanë qenë në gjendje të ndajnë se kush janë në të vërtetë me të dashurit e tyre. Ju lutemi vazhdoni të jetoni në të vërtetat tuaja dhe ta dini se po dërgoj aq shumë dashuri në rrugën tuaj.
Rikujtojmë, se para pak kohësh, këngëtarja e njohur ka rrëfyer në një dokumentar problemet me shëndetin e saj mendor. Ajo ka zbuluar mjaft të pathëna nga jeta e saj personale teksa ka vënë në fokus overdozën që kishte marrë me substanca narkotike. Së fundmi, Demi ka marrë vendim që të mos flasë më për rikuperimin e saj nga overdoza.
Artistja e shumë hiteve ka zbuluar për të gjithë ndjekësit e saj kurën më të mirë pas ndarjes nga partneri. Bukuroshja ka qenë e ftuar në emisionin “The Drew Barrymore Show”, ku zbuloi se aktualisht po jeton me shoqen e saj të ngushtë pasi i dha fund fejesës me Max Ehrich.
