Ndonjëherë qëllon të jemi aq të lodhura pas një dite të gjatë sa të harrojmë të fshijmë tualetin dhe të flemë me të në fytyrë. Por kjo praktikë është shumë e dëmshme. Dermatologët shpjegojnë se kjo gjë ndikon drejtpërdrejt në shëndetin e lëkurës së fytyrës dhe syve gjithashtu.
Si ndikon në fytyrën tuaj:
Gjëja e parë që mund të vini re është numri i puçrrave në fytyrën tuaj, acarimi i lëkurës dhe plakja e parakohshme. “Gjumi me grim është me të vërtetë i keq, pasi poret tuaja do të bllokohen. Mund të rriten ndjeshëm çarjet, puçrrat, thatësia e lëkurës dhe acarimi”-thotë dermatologu Samer Jaber.
Lëkura juaj përdor gjumin si një kohë për tu rikuperuar nga streset e ndryshme gjatë ditës. Ajo gjithashtu përdor gjumin për të rigjeneruar qelizat e saj. Por, duke lënë një shtresë, ju po krijoni një pengesë për procesin e ekspozimit dhe plotësimit natyror të lëkurës suaj!
Për më tepër, make up-i ngjitet në radikalet e lira në mjedis, shpesh nga ndotja, kështu që mos pastrimi i tij u jep këtyre papastërtive të dëmshme një mundësi edhe më të madhe për të dëmtuar lëkurën tuaj. Radikalet e lira njihen se prishin kolagjenin, i cili me kalimin e kohës rezulton në vija të holla dhe plakje të parakohshme.
Sa më kujdes për lëkurën tuaj vajza!