Grupi pop NSYNC është ribashkuar për herë të parë në më shumë se 20 vjet për të nxjerrë një projekt të ri muzikor. Kënga e tyre e fundit, “Better Place”, do të publikohet në fund të këtij muaji dhe është shkruar posaçërisht për filmin e ri të anëtarit të NSYNC, Justin Timberlake, “Trolls Band Together”. Në një postim në llogarinë e tij zyrtare të Instagram, Justin shkruan:
Kur yjet radhiten… unë dhe vëllezërit e mi punuam së bashku në studio për diçka argëtuese dhe energjia ishte e veçantë.
View this post on Instagram
Albumi i fundit që lançuan Justin, Joey Fatone, JC Chasez, Lance Bass dhe Chris Kirkpatrick nga NSYNC ishte “Celebrity” i 2001-shit. Ky njoftim vjen menjëherë pasi ky grup u shfaq për herë të parë së bashku pas dy dekadash. Fansat e NSYNC u surprizuan kur ata u ngjitën në skenë së bashku në MTV’s Video Music Awards (VMAs).
Justin luan një nga rolet kryesore në filmin e ri “Trolls”, i cili ndjek historinë e një grupi muzikor. Filmi do të shfaqet në ekranin e madh në nëntor të këtij viti.