Raportimet e fundit nga mediat ndërkombëtare flasin për tensione serioze mes Jessica Biel dhe Justin Timberlake.
Sipas burimeve pranë çiftit, aktorja i ka vendosur bashkëshortit një ultimatum të qartë, të ndryshojë sjelljen ose rrezikon të humbasë familjen.
Sipas Daily Mail, Biel është lodhur nga një sërë situatash që kanë krijuar pakënaqësi në marrëdhënien e tyre. Mes tyre përmendet arrestimi i Timberlake në vitin 2024 për drejtim mjeti në gjendje të dehur, si dhe sjellja e tij gjatë një udhëtimi të fundit në Las Vegas, ku organizoi një turne golfi.
Edhe Page Six raportoi për një incident të 18 prillit, ku dy dëshmitarë pretendojnë se këngëtari dukej i dehur në fund të aktivitetit sportiv.
Sipas burimeve, këto zhvillime mund të kenë qenë pika që e shtyu Jessica Biel drejt një vendimi të fortë.
Aktorja 44-vjeçare thuhet se ndodhet në një moment vendimtar dhe mund të ndërmarrë hapa konkretë nëse situata përsëritet.
Një tjetër shqetësim mbetet mungesa e vazhdueshme e Justin Timberlake në familje. Edhe pse ai përfundoi turneun botëror vitin e kaluar, raportimet sugjerojnë se vazhdon të qëndrojë larg shtëpisë për periudha të gjata.
Kjo ka bërë që Biel të mbajë pothuajse e vetme përgjegjësitë familjare për dy fëmijët e tyre, Silas Timberlake dhe Phineas Timberlake.
Deri tani, as Jessica Biel dhe as Justin Timberlake nuk kanë reaguar publikisht ndaj këtyre lajmeve, duke lënë gjithçka në nivel spekulimesh.
Megjithatë, sipas burimeve, marrëdhënia e tyre po kalon një nga periudhat më të vështira dhe mbetet për t’u parë nëse çifti do ta kapërcejë krizën apo do të shkojë drejt ndarjes.
