Botë e Çuditshme Celebrities

Për ata që nuk shkuan dot në koncertin e Billie Eilish mos u mërzisni, tani mund të blini ‘ajrin’ e saj!

Një fans i këngëtares me famë botërore, Billie Eilish ka nxjerrë në shitje ajrin nga një prej koncerteve të saj. Adhuruesi nga Singapori mbushi një qese të vogël me ajër, duke e nxjerrë në shitje për më shumë se 15 mijë dollarë.

Shitësi anonim e përshkruan artikullin si “shumë të rrallë”. Ai thotë se artikulli do të “mbahej në një enë hermetike pas marrjes për të parandaluar rrjedhjen”. Në përshkrimin e produktit ai thotë:

Unë qëndrova në pjesën e përparme dhe arrita të fus ajrin në plastikë gjatë koncertit. Për ata që humbën koncertin mund ta blini. Ajër shumë i rrallë.

Billie Eilish është një nga artistet e reja në moshë më të talentuara dhe të dashura në të gjithë botën. Ndërkohë, së fundmi, nëna e Billie ka diskutuar për presionin që i është bërë vajzës së saj këngëtare ndërsa punonte me familjen.

Maggie Baird lavdëroi 20-vjeçaren dhe vëllanë e saj producent dhe bashkëpunëtorin 24-vjeçar Finneas, për punën e tyre të mahnitshme, por pranoi se stresi dhe rraskapitja rrethojnë momentet e dukshme të karrierës së Billie. Maggie tha gjithashtu se ajo ndjen shumë për Billie duke pasur parasysh se sa ngushtë e gjithë familja punon së bashku.

Gjatë një interviste për ‘Sunday Times’, këngëtarja e njohur Billie Eilish deklaroi se gjithmonë ka dashur të kishte fëmijë dhe se të bëhej prind ishte një nga qëllimet e saj kryesore në jetë. Megjithatë këngëtarja frikësohet se do të ndihet në ankth teksa përpiqet të rrisë fëmijët e saj.