Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Art & Kulturë Design

Treni që luan muzikë klasike me gota uji, tanimë në librin e rekordeve “Guiness”

Në muzeun “Miniatur Wunderland” të Hamburgut në Gjermani, i mbyllur gjatë pandemisë, një model treni lëviz përgjatë një piste e cila është e rrethuar me mijëra gota të mbushura me ujë, e duke prekur gotat krijohet një melodi e muzikës klasike.

Ekipi arriti të krijojë melodinë më të gjatë të luajtur ndonjëherë nga një tren model, i përbërë nga 2840 nota, duke shënuar kështu një rekord të ri “Guiness”. Themeluesi i projektit, Frederik Braun u shpreh se:

Të gjithë menduan se ishte një ide e çmendur. Tani po thyejmë një rekord. Nuk është e gjitha perfekte, por thjesht përpiquni të luani Verdin në gota vere, ose edhe më tej, Bolero, kur keni vetëm dy oktavë në dispozicion.

Vendosja e hekurudhës simbolike, e cila kalon peizazhe të ndërlikuara në miniaturë dhe versione të vogla shumëngjyrëshe të qyteteve si Hamburg dhe Las Vegas, paraqiti sfida të rëndësishme. Krijuesit zgjodhën 20 melodi klasike nga kompozitorë të tillë si Mozart, Beethoven, Bach dhe Vivaldi.

Ndërkohë që kjo nuk është hera e parë që punonjësit e “Miniatur Wunderland” bëjnë një provë të tillë, pasi në dhjetor ata përdorën një aeroplan model duke luajtur këngën e Krishtlindjes “Jingle Bells”, me ujë në shishe.

Kjo nuk është hera e parë që muzeu arriti të thyejë Rekordet Botërore “Guinness”, pasi më parë ka krijuar modelin më të madh në botë të trenave.