Një foshnjë mamuthi i mumifikuar pothuajse në mënyrë perfekte që mendohet të jetë më shumë se 30,000 vjeç është zbuluar aksidentalisht nga një minator ari në Yukon, në veri-perëndim të Kanadasë. Ai shënon zbulimin më domethënës dhe të ruajtur mirë të një mamuthi në historinë e Amerikës së Veriut. Kafsha e mumifikuar u nxorr javën e kaluar nga ngrica e përhershme në fushat e arit në Klondike përpara se të merrte një bekim nga pleqtë e grupit të parë të kombit, Trʼondëk Hwëchʼi.
E quajtur Nun cho ga, që do të thotë “kafshë e madhe foshnja” në gjuhën Hän, mamuthi i ri ishte në gjendje të mahnitshme. Paleontologu i Yukon, Dr Grant Zazula ishte i emocionuar me zbulimin. “Si paleontolog i Epokës së Akullnajave, ka qenë një nga ëndrrat e mia të jetës të jem ballë për ballë me një mamuth të mumifikuar. Ajo ëndërr u bë realitet sot,”-tha ai.
Rikujtojmë, se një “sirenë” e mumifikuar që thuhet se i jep pavdekësinë kujtdo që shijon mishin e saj, do të hetohet nga shkencëtarët për të zbuluar natyrën e saj të vërtetë. Krijesa misterioze me gjatësi rreth 30 cm dyshohet se u kap në Oqeanin Paqësor, jashtë ishullit japonez të Shikoku, midis viteve 1736 dhe 1741 dhe tani mbahet në një tempull në qytetin e Asakuchi.
Me një fytyrë të çuditshme, dhëmbë të mprehtë, dy duar dhe flokë në kokë dhe vetull, ajo ka një pamje të frikshme njerëzore me përjashtim të gjysmës së poshtme të peshkut. Tani studiuesit nga Universiteti i Shkencës dhe Arteve Kurashiki e kanë marrë mumjen për ta skanuar në një përpjekje për të zbuluar sekretet e saj. Hiroshi Kinoshita i Shoqatës Folklorike Okayama, tha se krijesa e çuditshme mund të kishte rëndësi fetare.
