Komiku dhe aktori i njohur i serialit NewsRadio, Andy Dick, ka ndarë detaje tronditëse mbi gjendjen e tij shëndetësore pas një mbidoze të dyshuar në dhjetor 2025.
60-vjeçari u shfaq në podkastin Howie Mandel Does Stuff, të moderuar nga Howie Mandel, ku rrëfeu momentin kur humbi ndjenjat në Los Angeles më 9 dhjetor dhe si e sheh shëndetin e tij pothuajse tre muaj më vonë.
Kur Mandel e pyeti nëse kishte qenë “i vdekur” dhe nëse zemra i kishte ndalur, Dick u përgjigj “po”, duke shtuar se ishte bërë “i purpurt” dhe nuk po merrte frymë.
Ai tregoi se nuk mban mend asgjë deri në momentin kur u zgjua në ambulancë.
Aktori tha se nuk e di se çfarë substance shkaktoi reagimin, ndërsa një person tjetër në studio përmendi se ai që i kishte dhënë drogën mbante me vete edhe NARCAN, medikament që përdoret në rast mbidoze nga opioidet.
Në bisedë u përfshi edhe Adam Carbone, regjisor i një dokumentari mbi rrugëtimin e Dick drejt jetesës pa varësi.
Aktori zbuloi gjithashtu se në një skanim cerebral mjekët gjetën “pesë deri në shtatë vrima”, të cilat i lidhi me një sulm të dhunshëm ndaj tij në vitin 2019. Përfaqësuesi i tij ka deklaruar se truri i aktorit pritet të shërohet.
Aktualisht, Andy Dick jeton në një komunitet të jetesës së pastër, ku përdorimi i drogës është i ndaluar dhe banorët testohen rregullisht. Sipas përfaqësuesit të tij, ai është “i shëndetshëm, i pastër dhe në formë të mirë”.
Vetë aktori pranoi se arsyeja që iu rikthye substancave ishte “mërzia”.
Mërzitem lehtë. Duket si justifikim, por është e vërtetë
-u shpreh ai, duke reflektuar mbi betejën e tij të gjatë me varësinë.
