Rihanna ka treguar edhe një herë se është mbështetësja numër një e A$AP Rocky-t. Ylli i muzikës dhe biznesmenes, 37 vjeç, ka shpërthyer nga gëzimi në rrjetet sociale pas suksesit të madh të partnerit të saj, albumi i ri i të cilit, “Don’t Be Dumb”, u rendit drejtpërdrejt në vendin e parë të Billboard 200.
Në një postim entuziast në platformën X (ish-Twitter), Rihanna shkroi me humor dhe krenari:
Vetëm unë këtu për t’ju treguar se babai i fëmijëve të mi ka ALBUMIN NR.1!!!
Sipas të dhënave zyrtare të Billboard, “Don’t Be Dumb” debutoi në krye të klasifikimit me 123,000 njësi të barabarta të shitura në SHBA vetëm gjatë javës së parë.
Ky është albumi i parë i ri i A$AP Rocky-t që nga “Testing” në vitin 2018, duke shënuar një rikthim të fuqishëm në skenën muzikore.
Projekti përfshin një listë të gjatë bashkëpunimesh me emra të njohur si Brent Faiyaz, Gorillaz, Tyler, the Creator, Doechii, Will.i.am, Westside Gunn, Tokischa, Imogen Heap dhe Clams Casino, duke e kthyer albumin në një nga më të larmishmit në karrierën e tij.
Rocky ka konfirmuar gjithashtu se këtë vit do të nisë turneun “Don’t Be Dumb Tour”, me koncerte në Amerikën e Veriut nga maji deri në korrik dhe më pas në Evropë nga gushti deri në shtator.
Në një intervistë për “The Joe Budden Podcast”, ai paralajmëroi edhe publikimin e një versioni deluxe të albumit.
Rihanna dhe A$AP Rocky e konfirmuan lidhjen e tyre në nëntor të vitit 2020 dhe sot janë prindër të tre fëmijëve: vajzës Rocki Irish, vetëm 4 muajshe, si dhe djemve Riot (2 vjeç) dhe RZA (3 vjeç).
Së fundmi, Rocky foli edhe për mënyrën se si çifti ruan romancën mes jetës familjare dhe karrierës:
Duhet të dalim, të jemi miq, të luajmë kartë… ne luajmë ‘crazy eights’. E dua atë vajzë më shumë se gjithçka. Duhet ta mbajmë gjallë magjinë.
