Apple sapo ndau rezultatet e saj fiskale të tremujorit të dytë, duke tërhequr 95.4 miliardë dollarë të ardhura, që është një rritje prej 5% krahasuar me të njëjtën kohë të vitit të kaluar. Por CEO, Tim Cook trajtoi një nga zhgënjimet më të përfolura kohët e fundit; vonesa e Siri-t më të zgjuar, të fuqizuar nga AI, që supozohej të kryesonte prezantimin e Apple Intelligence. Kur u pyet për pengesat, Cook tha se Apple ka ende nevojë për më shumë kohë për t’u siguruar që Siri të arrijë standardet e cilësisë së lartë të kompanisë.
Ai shtoi se ndërsa gjërat po ecin përpara, nuk është ende gati. Bëhet e ditur se Apple fillimisht ngacmoi Siri-n e ri pothuajse një vit më parë, duke premtuar një asistent më ndryshe. Bazuar në mënyrën se si po shkojnë gjërat, ne mund të mos e shohim Siri-in e përditësuar deri në vitin 2026. Kjo pasi nuk ka një datë të saktë të zbulimit.
Apple ka njoftuar se pajisjet e shitura në SHBA nuk do të vijnë më nga Kina, pasi gjiganti i teknologjisë përpiqet të zbusë ndikimin e tarifave të Donald Trump. Shumica e iPhone-ve do të merren nga India në vend të kësaj, me iPad që do të vijnë nga Vietnami, për të parandaluar rritjet dramatike të çmimeve për konsumatorët amerikanë. Duke zbuluar rezultatet financiare nga janari në mars, kompania tha se lufta tregtare e përshkallëzuar e presidentit amerikan ka pasur një ndikim të kufizuar në performancën e saj deri më tani.
Megjithatë, CEO i Apple, Tim Cook beson se tarifat do të shtojnë miliona euro gjatë tremujorit aktual duke supozuar se politikat e Trumpit nuk ndryshojnë. Bëhet e ditur se kërkesa e lartë për iPhone gjatë kësaj periudhe mund të jetë nxitur nga blerësit amerikanë që nxitojnë të bëjnë blerje përpara hyrjes në fuqi të tarifave të reja. Por ndikimi i plotë i çdo blerje paniku do të shfaqet vetëm kur Apple të raportojë rezultatet e saj nga prilli në qershor më vonë gjatë vitit.
