Pas muajsh në qendër të vëmendjes për romancën dhe martesën e tyre të shumëpërfolur, duket se marrëdhënia mes reperit Fero dhe këngëtares Nita Bajrami ka hyrë në një fazë të turbullt.
Së fundmi, fansat kanë vënë re një ndryshim të dukshëm në profilin e Feros në Instagram: ai ka ndaluar së ndjekuri Niten dhe ka fshirë të gjitha fotot dhe postimet që ndanin bashkë.
Një veprim i tillë në rrjetet sociale shpesh shihet si tregues i qartë i një ndarje ose krize në çift.
Megjithëse asnjëri prej tyre nuk ka reaguar publikisht për statusin aktual të marrëdhënies, këto sinjale kanë mjaftuar për të nxitur thashethemet për një ndarje të mundshme.
Çifti ishte komentuar gjerësisht në media që nga lidhja e tyre, ndërsa martesa erdhi pas një periudhe intensive njohjeje dhe afrimi. Për momentin, mbetet të shihet nëse kjo është një pauzë kalimtare apo fundi i një historie që nisi me shumë zhurmë.
