Gjenerali i Ugandes, Muhoozi Kainerugaba, ka shkaktuar reagime të forta pasi paralajmëroi publikisht kompanitë që ndërtojnë rrugë me cilësi të dobët në Ugandë. Ai deklaroi se: “Nëse shoh një gropë në rrugë pasi kemi paguar për ndërtimin e saj, ai kontraktor do ta paguajë me kokën e tij.” Deklarata u bë në kuadër të kritikave ndaj korrupsionit dhe punimeve të dobëta infrastrukturore në kryeqytetin Kampala.
Sipas mediave lokale, Kainerugaba, i cili është shef i forcave të armatosura të Ugandës dhe djali i presidentit Yoweri Museveni, tha se do të marrë nën kontroll buxhetin për rrugët e Kampalës dhe do të vendosë personalisht se cilët kontraktorë do të ndërtojnë ose riparojnë rrugët. Deklarata e tij u interpretua nga shumë qytetarë si një qëndrim “zero tolerancë” ndaj korrupsionit dhe abuzimit me fondet publike, ndërsa të tjerë e kritikuan për gjuhën e ashpër dhe kërcënuese.
Një deklaratë tjetër e bujshme e Muhoozi Kainerugaba, ka shkaktuar reagime të shumta në rrjetet sociale. Ai sugjeroi se burrat që ulen në gjunjë për t’i propozuar martesë një gruaje mund të përballen me arrestim, duke e cilësuar këtë veprim si një praktikë të panevojshme dhe jo pjesë të traditave vendase. Sipas deklaratës, gjenerali kritikoi zakonin e propozimit në gjunjë, duke e konsideruar atë si ndikim kulturor të importuar nga jashtë. Komentet e tij u interpretuan si një thirrje për ruajtjen e traditave lokale dhe respektimin e vlerave kulturore.
Origjina e propozimit në gjunj daton që në mesjetë. Letërsia dhe veprat artistike të kësaj epoke tregojnë gjunjëzimin si traditë për disa rituale ceremoniale. Kalorësit u përkulën para zotërinjve dhe mbretërve të tyre ndërsa merrnin nderime. Kjo vlen edhe për miqësinë, kalorësit u zotuan të nderojnë dhe respektojnë me të njëjtin nder dhe admirim si ai i mbretërve dhe mbretëreshave. Edhe feja mund të ketë disi përgjegjëse për këtë traditë. Në disa besime, gjunjëzimi është i përshtatshëm gjatë lutjeve dhe ritualeve të tjera fetare. Ndërsa propozoni, ulja në një gju mund të ketë të njëjtin implikim dhe mund të shihet si një shenjë respekti dhe përkushtimi ndaj partnerit.
