Harper Beckham, vajza më e vogël e David dhe Victoria Beckham, feston sot ditëlindjen e 14-të, por atmosfera në familje nuk është aq festive sa pritej. Tensionet në rritje mes vëllait të madh, Brooklyn Beckham, dhe familjes, po hedhin një hije mbi këtë ditë të veçantë.
Brooklyn dhe bashkëshortja e tij, aktorja Nicola Peltz, nuk kanë bërë asnjë urim publik për 50-vjetorin e David Beckham më 8 maj apo përvjetorin e 26-të të martesës së prindërve më 4 korrik – një veprim që ka rritur zërat për përçarje të thellë brenda familjes.
Burime për “The Mirror” thonë se Harper e ndien më shumë se të gjithë këtë situatë, pasi ka qenë gjithmonë shumë e lidhur me Brooklyn.
Ata kanë pasur një lidhje të veçantë dhe familja shpresonte që Nicola do të bëhej si një motër e madhe për Harper, por kjo nuk ndodhi kurrë
-u shpreh burimi.
Frika më e madhe tani është se Brooklyn mund të mungojë në festën e motrës së vogël – diçka që do ta lëndonte emocionalisht.
Nëse nuk vjen, do të jetë shumë e dhimbshme për Harper. Por nëse merr pjesë, kjo mund të jetë një mundësi për të afruar sërish familjen
Pavarësisht tensioneve, David dhe Victoria Beckham kanë ndarë mesazhe dashurie për fëmijët e tyre në rrjetet sociale, duke përfshirë edhe Brooklyn, duke shpresuar në një rikthim të harmonisë në familje.
Të gjithë sytë tani janë te dita e Harper – nëse vëllai i madh do të zgjedhë të jetë pranë saj në këtë moment të rëndësishëm.
