Peshqirët shpesh përdoren kolektivisht. Por kjo është mënyra më e keqe dhe nëse e keni kthyer në zakon duhet të hiqni dorë menjëherë. Ekspertët kanë lajmëruar se në të vërtetë peshqiri mund të jetë shkaku i shumë të këqijave në shëndetin tonë. Është e rëndësishme të dini se ndarja e gjërave tuaja personale sjell rreziqe të mëdha në shëndetin tuaj. Bakteret mund të jetojnë në peshqir për disa orë, ditë, apo edhe muaj, për shkak të aftësisë së materialit për të mbajtur lagështi. Kjo do të thotë se ndryshimi i tyre të paktën një herë në javë është vërtet i rëndësishëm.
Thahini në një vend që ka shumë hapësirë
Ju duhet të siguroheni që peshqirët duhet t’i vendosni të thahen në një vend që ka hapësirë të madhe dhe larg ambjenteve të pista ku mund të ketë miliona baktere. Mbi të gjitha mos i ndani me askënd, as me partnerin tuaj as me ndonjë anëtar të familjes. Në fillim të këtij viti, një hulumtim zbuloi se gjysma e çifteve pranuan të ndanin peshqirin, një e katërta e të cilave thanë se e bënin këtë gjë që nga muaji i parë i marrëdhënies së tyre. Vetëm 30% e çifteve thanë që ata kurrë nuk kanë ndarë të njëjtin peshqir, pavarësisht sa të afërt ishin apo kohës që janë bashkë.
Peshqirët, vendi më i përshtatshëm për të përhapur infeksione brenda shtëpisë
Peshqirët ndikojnë në shumimin e përhapjes së infeksionit brenda shtëpisë. Ato mund të kontaminohen me bakteret që derdhen nga lëkura, ose lëngjet e trupit dhe nga uji i banjës. Nëse ato lihen të lagura, ajo inkurajon mikrobet të mbijetojnë dhe potencialisht të rriten. Ka shumë baktere që mund të lulëzojnë në një mjedis të tillë, të cilat mund të shkaktojnë ethe, ngërçe barku dhe diarre. Mund të përhapë gjithashtu infeksione të tilla si Staph, e cila është shkaktuar nga stafilokoku i baktereve, duke rezultuar në infeksione të lëkurës që mund të përfshijnë gunga të kuqe, plagë, fshikëza dhe lëkurë të fryrë.
