Jennifer Lawrence ka tërhequr vëmendjen e kalimtarëve dhe mediave gjatë një paraqitjeje të fundit në New York, ku u shfaq me një veshje të pazakontë dhe ekscentrike, tipike për stilin e saj të lirë dhe të guximshëm.
Aktorja 35-vjeçare, protagoniste e filmit Die My Love, u pa duke shëtitur në qytet e veshur për motin e ftohtë të dimrit, por ishte një detaj i veçantë ai që rrëmbeu gjithë vëmendjen: një shall rozë i ndezur, i lidhur rreth belit në formë fundi, mbi pantallona sportive.
Lawrence e kishte kombinuar look-un me një triko bezhë prej kashmiri dhe një xhaketë të trashë dimërore, duke krijuar një miks interesant mes rehatisë dhe stilit urban.
Ajo ecte me vetëbesim në rrugë, duke folur në telefon, e veshur me këpucë prej lëkure të butë, me duart në xhepa, kufje në vesh dhe syze të errëta dielli.
Fituesja e çmimit Oscar dukej krejt natyrale, me shumë pak ose aspak grim dhe flokët e drejta të lëshuara, duke reflektuar një pamje të relaksuar dhe pa përpjekje.
Edhe këtë herë, Jennifer Lawrence dëshmoi se nuk ka frikë të eksperimentojë me modën dhe të sfidojë pritshmëritë, duke e kthyer një dalje të thjeshtë në një moment që nuk kalon pa u vënë re.
