Këngëtari dhe aktori Justin Timberlake dëshiron të rifitojë gruan e tij Jessica Biel dhe të shpëtojë martesën e tij 12-vjeçare pas skandaleve të mëdha të tradhtisë në të cilat ai ishte përfshirë dhe që filloi në 2019 pasi u kap me aktoren Alisha Wainëright. Justin duhet gjithashtu të frenojë konsumimin e alkoolit dhe të shmangë me çdo kusht hipjen në timonin e një makine, një fakt për të cilin u arrestua qershorin e kaluar në Sag Harbor, Nju-Jork. Justin ka bërë një pushim nga turneu i tij botëror Forget Tomorrow për të qëndruar më gruan e tij, e cila është e lumtur që po kujdeset për dy fëmijët e tyre, Silas dhe Phineas.
“Koha e ndarë ka qenë një lehtësim për Jessica. Ajo kishte nevojë për hapësirën për t’u fokusuar më tepër te vetja. Ka qenë vërtet e vështirë për Jessica-n që t’i durojë këto ulje-ngritje. Burimi tha se Jessica e do Justinin, por është shumë e lodhur nga sjellja e tij. “Ajo dëshiron një burrë, jo një projekt. Vitin e ardhshëm, ajo dëshiron që ai të fillojë me të vërtetë të punojë me familjen e tij. Kështu që koha po ikën për Justin Timberlake dhe kjo është me të vërtetë një thirrje zgjimi për këngëtarin.”-tha burimi.
Justin Timberlake zhgënjeu së fundmi fansat në Oklahoma City duke anuluar koncertin e tij të planifikuar për 2 dhjetor. Këngëtari njoftoi përmes Instagramit se një dëmtim në shpinë që pësoi në New Orleans më 25 nëntor e detyroi të shtyjë shfaqjen. “Më vjen shumë keq, Oklahoma City… Më duhet ta anuloj shfaqjen. Kam lënduar shpinën dhe mjekët më kanë këshilluar të pushoj më gjatë”. Fansat e Justin Timberlake në Oklahoma mbetën të zhgënjyer pasi këngëtari anuloi papritur koncertin e tij.
Ky është anulimi i shtatë për Timberlake gjatë turneut të tij botëror “Forget Tomorrow”, i cili përfshin 115 shfaqje në 15 muaj dhe është promovimi i albumit të tij të fundit, “Everything I Thought It Was”. Më parë, këngëtari kishte shtyrë disa koncerte në tetor për shkak të bronkitit dhe laringitit. Turneu, i cili filloi në prill në Vancouver, Kanad dhe pritet të përfundojë në korrik 2025 në Paris, është turneu i tij i parë pas pesë vitesh. Pavarësisht sfidave, Timberlake vazhdon të punojë për t’u rikthyer në skenë.
