Versioni më i fundit i standardit pa tel Qi2 do të vijë së shpejti në iPhone dhe disa pajisje Android. Ai gjithashtu ka një emër të ri, më të fuqishëm; Qi2 25W, që do të thotë shpejtësia e karikimit pa tel, që është një përmirësim i ndjeshëm krahasuar me emrin e mëparshëm Qi2.2. Pika kryesore është në emër Qi2 25W lejon deri në 25 vat energji për pajisje të pajtueshme, që është një rritje prej 66% krahasuar me standardin ekzistues Qi2. “Karikimi pa tel jashtëzakonisht i shpejtë dhe efikas që sjell Qi2 25W do të inkurajojë përdorimin më të gjerë të karikimit pa tel, dhe do të përshpejtojë miratimin e këtij standardi të ri”-thotë Paul Strushaker, CEO i Wireless Power Consortium (WPC).
Modelet më të reja të iPhone tashmë përdorin standardin Qi2, kështu që miratimi i Qi2 25W nuk është një surprizë e madhe, megjithëse është sigurisht një lajm i mirëpritur. Megjithatë, shumica e telefonave Android nuk janë certifikuar kurrë zyrtarisht Qi2, kështu që ky mund të jetë një moment vendimtar për platformën. Disa modele Android teknikisht kanë qenë në gjendje të përdorin karikimin Qi2, por zakonisht kërkojnë mbulesa ose aksesorë të veçantë magnetikë.
Smartfonët janë vetëm kategoria më e fundit që pranon Qi2 25W. Disa produkte, duke përfshirë bankat e energjisë dhe karikuesit, morën certifikim në fillim të këtij muaji. Qi2 25W (i njohur atëherë si Qi2.2) u njoftua për herë të parë në prill. WPC thotë se disa qindra pajisje janë aktualisht në radhë për testim dhe certifikim zyrtar. Ende nuk dihet se cilët telefona Android janë në atë listë.
Ndërkaq, bateria e re me jon natriumi mund të karikohet nga 10 në 80% në më pak se gjashtë minuta, që është jashtëzakonisht e shpejtë. Teknologjia me jon natriumi është konsideruar prej kohësh një alternativë e mundshme për bateritë litium-jon të sotme. Ka dukshëm më shumë natrium dhe nuk kërkon metale të rralla, gjë që e bën këtë teknologji si më të lirë ashtu edhe më miqësore me mjedisin. Deri më tani, problemi ka qenë performanca e kufizuar dhe rrezja më e shkurtër, por gjërat duket se po ndryshojnë.
Lajmi për një përparim të madh teknologjik vjen nga India, nga Qendra Jawaharlal Nehru për Kërkime të Avancuara Shkencore, ku shkencëtarët kanë përdorur materiale të tilla si nanopjesëza, shtresa të fibrave të karbonit dhe alumin në anodën e baterisë. Rezultati është një bateri që kombinon karikim të shpejtë, siguri të lartë dhe jetëgjatësi. Bateria thuhet se mund të zgjasë më shumë se 3,000 cikle karikimi, që do të thotë se mund të jetojë më shumë se vetë makina.
