Zayn Malik ka alarmuar ndjekësit e tij pasi publikoi një foto nga spitali në Instagram Story, ku shihej i shtrirë në shtrat, pa dhënë shumë detaje mbi gjendjen e tij shëndetësore. Këngëtari 33-vjeçar ndau këtë përditësim menjëherë pas publikimit të albumit të tij të ri “Konnakol”, duke bërë që shumë fansa të çuditen nga koha e ngjarjes. Në mesazhin që shoqëronte foton, ai falënderoi të afërmit dhe miqtë për mbështetjen, duke e përshkruar periudhën si një javë të vështirë dhe duke shtuar se është ende në rikuperim.
Ish-anëtari i One Direction shprehu keqardhjen që nuk do të mund të takojë fansat këtë javë, ashtu siç kishte planifikuar, duke kërkuar mirëkuptimin e tyre. Artistit nuk i munguan fjalët mirënjohëse për të gjithë ata që i kanë qëndruar pranë ndër vite, duke theksuar se pa ta nuk do të ishte aty ku është sot. Ai falënderoi gjithashtu stafin mjekësor që po kujdeset për të, përfshirë mjekët, infermierët dhe specialistët që janë të angazhuar në trajtimin e tij. Në fund të mesazhit, Zayn përcolli dashuri për fansat, të cilët reaguan menjëherë në rrjetet sociale me urime për shërim të shpejtë dhe mbështetje të vazhdueshme.
Zayn Malik ka bërë një rrëfim surprizues për marrëdhënien e tij me Gigi Hadid, duke pranuar se nuk është i sigurt nëse ka qenë ndonjëherë vërtet i dashuruar me modelen gjatë viteve që ishin bashkë. I ftuar në podcast-in Call Her Daddy me Alex Cooper, ish-anëtari i One Direction foli hapur për lidhjen e tyre, e cila zgjati me ndërprerje nga viti 2015 deri në vitin 2021. Çifti, që nisi romancën kur ishin vetëm 20 dhe 22 vjeç, mirëpriti në jetë vajzën e tyre, Khai, në shtator 2020. I pyetur për një deklaratë të mëparshme ku kishte thënë se nuk kishte qenë kurrë i dashuruar, Malik konfirmoi se i qëndron asaj që ka thënë.
