Marrëdhënia mes Kim Kardashian dhe Lewis Hamilton duket se po bëhet gjithnjë e më serioze, ndërsa dyshja është parë duke kaluar momente relaksuese në plazhin e Malibu.
Paparacët i kanë kapur duke biseduar ngrohtësisht dhe duke buzëqeshur, ndërsa Kim provoi edhe surfing nën shoqërinë e pilotit të famshëm. Ajo u shfaq me një veshje plazhi që vinte në pah format e saj, duke tërhequr menjëherë vëmendjen.
Pamjet janë shpërndarë me shpejtësi në rrjetet sociale, ku fansat po i quajnë tashmë një nga çiftet më të përfolura të momentit.
Së fundmi, raportimet sugjerojnë se ata mund të jenë duke menduar për të jetuar së bashku. Kim thuhet se udhëtoi drejt London për një vizitë të shkurtër, vetëm për të kaluar kohë me Hamilton.
Zërat për lidhjen e tyre nisën që në janar, kur u raportua për një fundjavë romantike në Mbretërinë e Bashkuar. Më pas, ata u panë edhe në Paris, duke forcuar dyshimet për një romancë.
Interesant është fakti se të dy njiheshin prej kohësh si miq, ndërsa Hamilton ka qenë gjithashtu mik i ish-bashkëshortit të Kim, Kanye West. Tani duket se miqësia është kthyer në diçka shumë më tepër.
