Kim Kardashian nuk bën kompromise kur vjen puna te kujdesi ndaj katër fëmijëve të saj – North, Saint, Chicago dhe Psalm, që i ka me ish-bashkëshortin Kanye West.
Sipas “RadarOnline.com”, ylli i njohur ka punësuar një ekip prej rreth 10 kujdestarësh që kujdesen 24 orë në ditë, 7 ditë në javë, për mirëqenien e tyre.
Burime pranë familjes Kardashian thonë se, me angazhimet e shumta që Kim ka – nga xhirimet dhe bizneset, deri te udhëtimet dhe studimet e saj për drejtësi – është e pamundur të përballojë gjithçka vetë. Prandaj, ajo mbështetet në një skuadër profesionistësh që punojnë me turne dhe paguhen deri në 250,000 dollarë në vit.
Kim beson se ky është një nga investimet më të mira që ka bërë. Për të, më e rëndësishmja është që fëmijët të jenë të lumtur, të sigurt dhe të marrin gjithë vëmendjen që u takon. Ajo ndjen qetësi mendore kur e di që janë në duar të sigurta.
Edhe pse shuma duket marramendëse për shumicën, Kim e konsideron këtë shpenzim si një domosdoshmëri që i lejon asaj të fokusohet në bizneset që i sjellin miliona dollarë fitim. Për të, kujdesi maksimal ndaj familjes është prioriteti numër një.
