Kompania e Kim Kardashian, SKIMS, ka shkaktuar sërish debat në rrjete sociale me produktin e saj më të fundit – një linjë tangash me qime pubike artificiale.
Linja është hedhur në treg në ngjyra të ndryshme si e kuqe, blu dhe kafe, dhe vjen në dy versione: me qime të drejta dhe kaçurrela.
Sa qesharake janë këto?
-pyeti Kim ndjekësit e saj në një postim në Instagram më 14 tetor, duke treguar mostrat e të brendshmeve të reja që shumë shpejt u bënë virale.
Në faqen zyrtare të SKIMS, produkti përshkruhet si “artikulli më i guximshëm deri më tani” i markës, ndërsa çmimi arrin në 42 euro për palë.
Megjithatë, pavarësisht çmimit dhe natyrës së pazakontë të produktit, tangat u shitën pothuajse në të gjitha madhësitë brenda pak orësh nga lançimi.
Reagimet në internet ishin të përziera. Disa fansa e cilësuan idenë “të çmendur” dhe “absurde”, ndërsa të tjerë e vlerësuan për origjinalitetin dhe sensin e humorit të Kim-it.
Kim Kardashian po çmendet plotësisht me ato të brendshme të reja
-shkroi një përdorues në platformën X (ish-Twitter), ndërsa një tjetër komentoi:
Kim nuk mund të jetë serioze me këtë ide.
Kjo nuk është hera e parë që Kim ngjall debat me produktet e SKIMS.
Edhe atëherë, reagimet ishin të ndara mes atyre që e panë si një trend të panevojshëm dhe atyre që e konsideruan të dobishëm për kujdesin personal.
Një gjë është e sigurt, Kim Kardashian di gjithmonë si të bëjë bujë me çdo lëvizje të saj.
