Modelja Kim Turnbull është bërë pjesë e qendrës së vëmendjes dhe e spekulimeve pas ndarjes nga Romeo Beckham, djali i David dhe Victoria Beckham. E lodhur nga thashethemet dhe aludimet që qarkullojnë në rrjet, Kim zgjodhi të reagojë publikisht përmes një postimi në Instagram.
Në deklaratën e saj, ajo theksoi se nuk ka ndërmend të tolerojë më ngacmimet që i bëhen në mediat sociale.
Kam zgjedhur të mos flas për këtë më herët për të mos i shtuar më shumë zhurmë situatës. Por tashmë ndjej se është koha të sqaroj disa gjëra për të ecur përpara
-shkroi ajo në një story.
Turnbull u shpreh se nuk do të lejojë të ndiejë turp për shkak të gënjeshtrave dhe interpretimeve të pavërteta që po qarkullojnë:
Nuk do të pranoj më të ndihem e turpëruar për të kënaqur një rrëfim të rremë që është ndërtuar mbi llogarinë time.
Ajo gjithashtu mohoi kategorikisht çdo aludim për një marrëdhënie me Brooklyn Beckham, vëllain e madh të Romeos.
Nuk kam pasur asnjëherë një lidhje romantike me të. Gjithçka që ka ekzistuar mes nesh ka qenë një miqësi shkollore, kur ishim 16 vjeç. Kam dëshirë të largohem nga ky diskutim dhe të bëj të qartë të vërtetën për respekt të të gjithë personave të përfshirë
Deklarata e saj duket se ka marrë vëmendjen e Romeos, i cili reagoi me një mesazh të shkurtër dhe të koduar në rrjete sociale:
Silluni me mirësi dhe mos përhapni gënjeshtra të panevojshme.
