Paris Hilton është themeluese dhe CEO e 11:11 Media, një kompani globale argëtimi që, sipas saj, synon të bëhet “Disney-i i radhës”. Megjithatë, jo gjithmonë njerëzit kanë besuar në aftësitë e saj të biznesit. “Për një kohë të gjatë ndjeva se njerëzit kishin një ide për mua që nuk përputhej me realitetin,” tha Hilton për CNBC Make It me email. “Në fillimet e karrierës, luaja rolin e krijuar në ‘The Simple Life’, por pas perdeve isha e përqendruar për të ndërtuar markën time.”
“Kam mësuar se mënyra më e mirë për të kapërcyer nënvlerësimin është të lejosh punën të flasë vetë dhe të paraqitesh me autenticitet,” u shpreh Hilton. Ajo thotë se autenticiteti është një cilësi thelbësore në njerëzit me të cilët zgjedh të punojë, krahas pasionit dhe kreativitetit. “Dhe mirësia për mua është e panegociueshme,” shtoi Hilton.
Ajo tregon karakterin e vërtetë të njeriut dhe dua që marka ime dhe të gjithë ata që e përfaqësojnë atë të udhëheqin me mirësi.
Hilton ka reaguar ashpër ndaj pretendimeve se dikur ishte “përzgjedhur” për t’iu prezantuar financierit të turpëruar Jeffrey Epstein nga Ghislaine Maxwell, në kohën kur ajo ishte vetëm 19 vjeçe. Një mik i vjetër i Maxwell, Christopher Mason, ka deklaruar se kjo e fundit e kishte vënë re Hiltonin në një festë në fillim të viteve 2000 dhe e kishte konsideruar “të përshtatshme për Epstein”, duke përmendur madje edhe foto të tyre në të njëjtin event. Por Hilton, sot 44 vjeçe, i ka hedhur poshtë kategorikisht këto pretendime. Ajo thotë se nuk mban mend të ketë pasur ndonjëherë kontakt apo takim me Ghislaine Maxwell dhe i cilëson historitë e fundit si të pavërteta dhe të ekzagjeruara.
