Selena Gomez dhe Benny Blanco po shijojnë muajin e mjaltit, vetëm pak ditë pas dasmës së tyre madhështore në fund të shtatorit. Sipas revistës “People”, çifti i sapomartuar, i cili kurorëzoi dashurinë më 27 shtator, zgjodhi të festojë në mënyrë romantike me një udhëtim me makinë përgjatë bregdetit të Kalifornisë, duke përfunduar më pas në Teksas.
Ata e adhuruan muajin e tyre të vogël të mjaltit
-ka thënë një burim pranë çiftit.
Pas ditëve plot festë dhe emocione, udhëtimi i qetë ishte i përkryer për ta. U ndalën në disa vende, eksploruan, u relaksuan dhe e shijuan çdo moment.
Dasma e tyre u zhvillua në një kopsht përrallor në “Sea Crest”, Santa Barbara, me rreth 170 të ftuar. Selena u shfaq mahnitëse me një fustan sateni të punuar me dorë nga Ralph Lauren, ndërsa Benny zgjodhi një smoking klasik të zi nga e njëjta shtëpi mode.
Ceremonia mblodhi një listë të gjatë emrash të njohur, përfshirë Taylor Swift, Ed Sheeran, Paris Hilton, Jennifer Stone, si dhe kolegët e Gomez nga seriali “Only Murders in the Building” — Martin Short, Steve Martin dhe Paul Rudd.
Burime pranë çiftit tregojnë se Gomez dhe Blanco po planifikojnë një udhëtim tjetër ndërkombëtar në muajt e ardhshëm, për të vazhduar festën e dashurisë së tyre.
