Lamborghini Huracan Sterrato bëri debutimin e tij botëror në Miami, Florida gjatë festivalit Art Basel. Për të prezantuar super-makinën e gatshme për gara te blerësit e mundshëm në rajonin EMEA (Evropë, Lindje e Mesme dhe Afrikë), kompania e shfaqi makinën në sallën e saj në Gjirin Doha të Katarit. Lamborghini Huracan Sterrato arriti në Katar me ngjyrat e flamurit italian.
Prezantimi në Doha i lejoi klientët potencialë të takohen me anëtarët e ekipit të Lamborghini. Klientët kishin mbi 350 bojëra për të zgjedhur. Gjithashtu kishte 60 zgjedhje tapiceri lëkure.
https://youtu.be/2HlryqfxbRk
Rikujtojmë, se gjysma e parë e vitit 2022, ishte gjashtë mujori më i mirë në historinë e Lamborghini për sa i përket shitjeve, qarkullimit dhe përfitimit, me fabrikën Sant’Agata që shpërndau gjithsej 5,090 njësi. Si pjesë e njoftimit për shtyp të rezultateve financiare, Lamborghini konfirmoi gjithashtu tre njoftime të modeleve të reja për këtë vit Huracán Sterrato, plus dy të tjera në lidhje me Urus.
Duke filluar me rezultatet rekorde, fitimi operativ në gjysmën e parë të 2022 ishte 425 milionë euro (434,6 milionë dollarë), duke shënuar një rritje të konsiderueshme prej 69,6 për qind krahasuar me gjysmën e parë të 2021. Ndërkaq, rikujtojmë se makina e parë elektrike e prodhimit të Lamborghini do të mbërrijë në vitin 2028 dhe lançimi i saj do të bëhet i mundur me teknologjinë e Grupit Volkswagen.
Drejtori ekzekutiv i markës, Stephan Winkleman përsëriti se nuk do të zëvendësojë asnjë linjë modeli aktual, diçka që Lamborghini e konfirmoi më parë. Ai e përshkroi atë si një “model të katërt që do të jetë më i përdorshëm çdo ditë. Kjo do të thotë një makinë 2+2, me dy dyer me më shumë largësi nga toka”.
