Ndoshta rrëmuja nuk është aspak një tregues dembelizmi, përkundrazi. Një studim i publikuar nga YourTango zbulon se njerëzit që udhëhiqen nga intuita dhe ndjesitë e tyre nuk e konsiderojnë të nevojshme të pastrojnë menjëherë, dhe kjo tregon diçka shumë më të thellë për ta.
Sipas studiuesve, këta individë nuk ndihen të detyruar t’i mbajnë gjërat në rregull me çdo kusht.
Ata zgjedhin të fokusohen te ajo që ka vlerë të vërtetë në momentin aktual, qoftë një bisedë me një person të dashur, një përqafim familjar apo një moment qetësie. Rrëmujën e shohin si diçka të përkohshme dhe jo si një krizë.
Ekspertët thonë se kjo sjellje tregon vetëdije të lartë, aftësi për të vendosur prioritetet me mençuri dhe një intuitë të fortë. Ndërsa shumë njerëz stresohen nga detyrat e vogla të përditshme, personat që i dëgjojnë ndjesitë e tyre arrijnë të dallojnë midis asaj që është urgjente dhe asaj që është me të vërtetë e rëndësishme.
Kështu, një shtëpi e çrregullt nuk është shenjë e pakujdesisë, por mund të jetë tregues i një mënyre të shëndetshme mendore dhe emocionale për të jetuar.
Një qasje që, sipas specialistëve, i bën njerëzit më të fokusuar, më të pranishëm dhe më të lidhur me ata që duan.
