Nicola Peltz, bashkëshortja e Brooklyn Beckham, ka ndezur sërish aludimet për një krizë të thellë familjare, pasi ka fshirë nga Instagrami çdo postim që lidhej me familjen Beckham.
Aktorja 31-vjeçare ka hequr përfshirë edhe një foto të vitit 2024, të publikuar për 50-vjetorin e Victoria Beckham, ku shfaqej pranë saj me një mesazh të ngrohtë dhe dashamirës.
Ky veprim ka forcuar dyshimet se marrëdhëniet mes çiftit dhe David e Victoria Beckham janë përkeqësuar ndjeshëm.
Spastrimi i profilit vjen vetëm pak ditë pasi u raportua se Brooklyn u ka kërkuar prindërve të tij që çdo komunikim të bëhej vetëm përmes avokatëve, duke u kërkuar gjithashtu të shmangnin çdo koment publik apo dalje mediatike për të dhe gruan e tij.
Prej vitesh, familja Beckham ka qenë në qendër të thashethemeve për tensione të brendshme, por këtë herë veprimet konkrete në rrjetet sociale po flasin më fort se fjalët. Edhe pse David dhe Victoria kanë tentuar vazhdimisht të afrohen me djalin e tyre të madh, duket se Brooklyn ka zgjedhur të mbajë distancë dhe të qëndrojë i palëkundur në vendimin e tij.
A është kjo një shkëputje përfundimtare apo vetëm një tjetër kapitull i trazuar në historinë e familjes më të famshme të futbollit dhe modës? Pyetja mbetet e hapur.
