Pamela Anderson po përjeton një vit të artë në karrierë, duke e kthyer vitin 2025 në një “Pamelanaissance” të vërtetë.
Pas suksesit me filmin “The Last Showgirl”, i renditur mes më të mirëve të vitit, dhe rolit të saj kryesor në “Naked Gun” përkrah Liam Neeson, aktorja ka surprizuar fansat me një sipërmarrje krejt ndryshe: prodhimin e turshive artizanale.
58-vjeçarja, ikonë e kulturës pop, është bashkuar me markën e njohur të stilit të jetesës në Los Angeles, Flamingo Estate, për të lancuar “Pamela’s Pickles” – kavanoza me turshi pikante dhe të aromatizuara me lule, që shiten me çmimin 38 dollarë (rreth 32 euro) secila.
Receta origjinale vjen nga tezja e saj e madhe, Vie, por Anderson ka shtuar një prekje personale me petale trëndafili të thata.
Përbërësit e veçantë përfshijnë gjithashtu piper rozë, spec djegës guajillo, kripë deti të tymosur dhe piper organik Espelette të kultivuar në mënyrë rigjeneruese.
Të ardhurat nga shitjet e këtyre turshive vegane do të shkojnë 100% për Qendrën e Kafshëve të Egra të Kalifornisë (CWC), një organizatë që çdo vit ofron trajtim dhe rehabilitim për mbi 4,000 kafshë të egra të lënduara.
Në këtë mënyrë, Anderson jo vetëm që po shkëlqen në botën e kinemasë, por po përdor famën e saj edhe për një kauzë humane.
