Pas ceremonisë së dasmës simbolike mes Eglit dhe Gjestit në shtëpinë e “Big Brother VIP Albania 4”, nuk kanë munguar as reagimet nga familjarët dhe të afërmit e çiftit. Një ndër më të ndjerat ka qenë ajo e motrës së Eglit, e cila ka ndarë emocionet e saj në rrjete sociale.
Përmes një postimi në Instagram, ajo publikoi disa nga momentet më të bukura të kurorëzimit të çiftit, të shoqëruara me një mesazh të shkurtër, por plot ndjesi:
Unë jam e lumtur kur ti je e lumtur.
Ky reagim i sinqertë tregon jo vetëm emocionet e përjetuara, por edhe mbështetjen e fortë që Egli gëzon nga familja e saj, në një moment të rëndësishëm të rrugëtimit të saj brenda shtëpisë më të famshme në Shqipëri.
Ceremonia festive u zhvillua në një atmosferë të gëzueshme, mes muzikës live dhe pranisë së banorëve e opinionistëve të njohur, duke u kthyer në një nga ngjarjet më të komentuara të edicionit.
