Këngëtarja amerikane Sabrina Carpenter ka ngjallur reagime të shumta pas performancave të saj provokuese në kuadër të turneut “Short n’ Sweet”.
Gjatë një koncerti të fundit në Stokholm, artistja u pa duke realizuar lëvizje eksplicite gjatë interpretimit të këngës “Juno”, të cilat u konsideruan të papërshtatshme, sidomos për shkak të pranisë së fëmijëve në audiencë.
Nuk është hera e parë që Carpenter përballet me kritika të tilla. Më herët, gjatë një koncerti në Paris, një pjesë e koreografisë u interpretua si një referencë ndaj pozicionit seksual të njohur si “Kulla Eiffel”.
Ndërkohë, pas një performance në BRIT Awards, këngëtarja u përball me mbi 800 ankesa për përmbajtje të papërshtatshme.
Megjithatë, një pjesë e fansave kanë dalë në mbrojtje të saj, duke theksuar se shfaqjet e Carpenter nuk janë të përshtatshme për fëmijë dhe se prindërit duhet të jenë të ndërgjegjshëm për përmbajtjen artistike që ajo ofron.
Vetë Carpenter ka deklaruar më parë se ndjehet rehat me figurën e saj publike dhe shprehjen në skenë, duke theksuar rëndësinë e të qenit autentike në artin e saj.
