Aktorja Sydney Sweeney dhe modelja italiane Vittoria Ceretti u fotografuan duke shijuar një shëtitje me stil në rrugët elegante të Venecias, në prag të dasmës luksoze të Jeff Bezos dhe Lauren Sanchez.
Dy yjet ishin ndër të ftuarit e veçantë në festimet treditore që thuhet se kapin vlerën prej rreth 20 milionë dollarësh (18.7 milionë euro), raportoi “DailyMail”.
Sydney, 27 vjeçe, u shfaq me një fustan të zi të shkurtër me dekolte të thellë, të kombinuar me këpucë elegante dhe syze të mëdha, duke reflektuar elegancë dhe klas. Vittoria zgjodhi një fustan të kuq me lule dhe këpucë të bardha me platformë, duke sjellë një pamje verore e të freskët.
Të dyja u panë duke bërë pazar dhe duke shijuar mëngjesin me diell, ndërsa përgatitjet për ceremoninë madhështore vazhdonin në qytetin e bukur.
Ndërkohë, Khloe Kardashian festoi ditëlindjen e saj të 41-të në të njëjtin qytet, duke bërë pazar përkrah nënës së saj Kris Jenner.
E veshur me një fustan të zi veror dhe aksesorë Chanel, Khloe ndaloi për të përshëndetur fansat gjatë shëtitjes së saj, duke reflektuar një atmosferë festive dhe plot stil në rrugët e Venecias.
