Justin Timberlake është bërë muzikanti më i fundit që ka shitur katalogun e tij muzikor. Fituesi i Grammy-t, nënshkroi një marrëveshje me ‘Hipgnosis Song Management’, një kompani e mbështetur nga firma e kapitalit privat Blackstone. Marrëveshja përfshin të drejtat e autorit të rreth 200 këngëve të Timberlake. Firma e kapitalit privat do të ketë këngët hit të muzikantit duke përfshirë “SexyBack”, “Can’t Stop the Feeling” dhe “Mirrors” nën kontrollin e tyre.
Megjithëse kushtet financiare të marrëveshjes nuk u zbuluan, ajo vlerësohet të jetë pak më shumë se 100 milionë dollarë. Merck Mercuriadis, themeluesi dhe CEO i Hipgnosis Song Management, në një deklaratë për shtyp tha se:
Justin Timberlake nuk është vetëm një nga artistët më me ndikim të 20 viteve të fundit, por ai është gjithashtu një nga kantautorët më të mëdhenj të të gjitha kohërave. Këngët e tij hit duke përfshirë “Cry Me A River”, “Rock Your Body”, “SexyBack”, “My Love”, “What Goes Around… Comes Around”, “Suit & Tie”, “Mirrors” dhe “Can’t Stop The Feeling” janë ndër më ikonat e periudhës. Kam kënaqësinë t’i mirëpres të gjithë në familjen Hipgnosis. Ky është fillimi i asaj që ne besojmë se do të jetë një marrëdhënie e jashtëzakonshme e rëndësishme për të gjithë ne.
Mercuriadis vlerëson artistët dhe punën e tyre krijuese dhe ka qenë gjithmonë një mbështetës i fortë i kantautorëve. Ndërkaq, sjellim në vëmendje se së fundmi Janet Jackson është përpjekur të rregullojë gjithçka në lidhje me marrëdhënien e saj me Justin Timberlake pas performancës së tyre famëkeqe në Super Bowl të vitit 2004.
Siç tanimë të gjithë e dimë Jessica Biel dhe Justin Timberlake janë së bashku prej vitesh. Dyshja e njohur janë takuar për herë të parë në vitin 2007 dhe që nga ajo kohë vazhduan të jenë një nga çiftet më të dashur të Hollywood-it. Sot, të dy janë të martuar për gati 10 vjet dhe janë prindër të dy fëmijëve. Dyshja janë shfaqur shpeshherë shumë të dashuruar dhe të lumtur me njëri-tjetrin.
