Programi traditë i ditës së fundit të vitit rikthehet edhe këtë herë dhe ndoshta ky është një nga momentet më të shumëpritura për të gjithë ju. E si mund të mbyllet ndryshe ky vit, përveç se nën tingujt e muzikës më të mirë të 2023. Surprizat nga artistët nuk mungojnë as në 2023, si në skenën kombëtare ashtu edhe në atë ndërkombëtare ndaj maratona e 100 këngëve më të mira të vitit do të jetë shpërthyese.
Le të kalojmë së bashku rreth 8 orë maratonë, në shoqërinë e atyre që ju kanë bërë shoqëri gjithë vitin. Shoqëroni orët e fundit të një viti ‘të vjetër’ i cili i lë vendin një tjetri të cilin le të shpresojmë të jetë edhe më i mirë se ky që po lëmë pas. Në një lidhje telefonike ishte Luiz Ejlli, fituesi i edicionit të dytë të “BBV”. Urimi special për Vitin e Ri nga Luizi për të gjithë shqiptarët:
Uroj t’ju plotësohen të gjitha dëshirat dhe një vit plot mbarësi dhe shëndet.
2023 a ka qenë viti i Luiz Ejllit? Këngëtari shprehet:
Për të gjithë ata që e kanë parë thonë me plot gojën që ka qenë i imi viti 2023. Për mua është 2024 sepse vjen në jetë vajza ime.
Erion Veliaj e cilësoi personazhi i vitit. Ja si reagon Ejlli në lidhje me këtë:
E falënderoj, është kënaqësi dhe privilegj. I uroj suksese në familjen e tij. Ishalla edhe Tirana bëhet më e mirë ne jetesë edhe gjithçka tjetër.
Ku ndodhet për momentin Luizi?
Jam në Maqedoni, do të jem këtu për natën e ndërrimit të viteve. Do të doja të isha me Kiarën, me njerëzit e mi por dikush duhet të punojë.(qesh) Do ia kalojmë shumë mirë, zëre se jam në një ambient familjar edhe këtu ku ndodhem.
Projektet e reja për 2024?
Kam një bashkëpunim të ri me një këngëtar, e kemi bërë më shumë dëshirë dhe pasion.
